دليل استشارات التسويق

يعني ايه استشارات التسويق؟

استشارات التسويق هي انك تستعين بخبير عندك خبرة خارجية يبص على البيزنس بتاعك من برة ومن جوة. يقول لك ايه الصح والغلط. يساعدك تبني خطة تسويقية تناسب السوق اللي انت شغال فيه والمنتج اللي انت بتقدمه و الميزانية بتاعتك. يعني ببساطة نقدر نقول ان هو عقل خارجي محايد بس فاهم السوق بتاعك كويس. 

هل فعلا الاستشارات التسويقية بتفيد الشركات؟ 

فعلا هي بتفيد الشركات بتوفر وقت وجهد وفلوس بتخلي شغلك مبني على خبرة وتجربة مش عشوائي وكمان بتساعدك تفكر استراتيجي بدل ما تقعد تجرب وخلاص لانك تستعين بخبير زي ما قلنا.

امتى تبقى الشركة محتاجة استشارة تسويقية؟

لما تحس انك واقف مكانك عندك مشكلة مش عارف تحلها. في حاجة غلط بتحصل. عندك منتج مش عارف تبيعه. في حاجة مش مفهومة ما كانتش بتحصل قبل كده وبدأت تحصل. وبالتالي هنا انت محتاج الاستشارة التسويقية. يعني ببساطة نقدر نقول ان الشركة تحتاج استشارة تسويقية لما أمر غير عادي يخرج عن المألوف أو يحصل ما كان بيحصل قبل كده او كان بيحصل وما عادش بيحصل. 

العنصر الرابع.

الفرق ما بين شغل الموظف وشغل الاستشاري. 

الموظف بينفذ لكن الاستشاري دوره انه يفكر معك. مش بس النهاردة لا يفكر معاك في الأجل الطويل. يرسم لك الطريق اللي انت هتمشي عليه. فالموظف ممكن يكون محدود بخبرة معينة. لكن الاستشاري المفترض ان هو عنده خبرات كثيرة في السوق بتاعك وفي اسواق اخرى وبالتالي بيقدر يفيدك. 

مين اللي بيحتاج الاستشارات التسويقية؟

الشركات الصغيرة ولا الشركات الكبيرة؟ في حين أن الشركات الصغيرة والمتوسطة والكبيرة يحتاجوا الاستشارات التسويقية. لكن ممكن نقول ان الشركات الصغيرة والمتوسطة يحتاجوا الاستشارات التسويقية الخارجية بشكل أكبر من الشركات الكبيرة. وده لانهم معندهمش القدرة المالية انهم يجيبوا استشاري تسويق او حتى مدير تسويق عنده خبرة كبيرة في السوق ويكون شغال معاهم بدوام كامل فبالتالي يحتاجوا الاستشارات التسويقية مع استشاري تسويق يكون عنده برضه خبرة كبيرة في السوق لكن مش بدوام كامل.

أنواع الاستشارات التسويقية. 

خلينا نقول ان فيه استشارات تسويقية استراتيجية وفيه استشارات تنفيذية وفيه استشارات وفيه استشارات للمنتج وفيه استشارات للاعلانات وفيه استشارات السوشيال ميديا وفيه استشارات للنمو وفيه وفيه استراتيجيات لدخول الأسواق الجديدة وفيه استراتيجيات للتوسع وهكذا. أنواع الاستشارات التسويقية كتير وأشكالها كتير و لكن ده بيعتمد على المشكلة اللي موجودة عندك او انت عايز تعمل ايه. وبالتالي نسمي او نصنف الاستشارة التسويقية اللي تقدم لك. 

ايه المشاكل اللي تحلها الاستشارات التسويقية؟

 أبرز المشاكل اللي تحلها الاستشارات التسويقية هي ضعف المبيعات. يجي بعدها ضعف العلامة التجارية. يجي بعدها اللخبطة اللي بتحصل في السوق تلاقي فيه تذبذب أو تغير في المبيعات تلاقي تغير في تقبل العملاء للمنتج بتاعك وهكذا. يجي بعدها الاستهداف الغلط. يجي بعدها مشاكل بقى التسعير والمنتج والتوصيل وخدمة العملاء وهكذا. 

ازاي تختار استشاري التسويق؟

 لازم تدور علي حد عنده خبرة سابقة في الحالة بتاعتك في السوق بتاعك و تشوف النتائج اللي هو عملها وتشوف طريقة تفكيره وتوجهاته مناسبة ليك لشركتك ولا لأ. كمان تتأكد من أهم نقطة انه بيسمع استشاري اللي بيسمع مش هيقدر يقدم لك أي حاجة ولا يحل لك المشكلة اللي عندك. 

هل استشاري التسويق لازم يشتغل معاك كل يوم؟

الإجابة قولا واحدا مش شرط ممكن يكون شهري. ممكن يكون اسبوعي حسب طبيعة المشكلة اللي موجودة عندك. التوصيات التي يقدمها لك 

شكل التعاون بيكون عامل ازاي؟

 بيكون فيه اجتماعات تحليل للوضع الحالي. بعدها بيتعمل خطة عمل أو خطة تنفيذية. وبعدها ممكن يكون فيه متابعات للتنفيذ مع الفريق اللي موجود عندك وبعدين نقيس النتائج اللي تتحقق. نشوف هل هي المستهدفة بتاعتنا ولا اكتر منها ولا أقل منها.

اسعار الاستشارات التسويقية تتحدد على اساس ايه؟

في عوامل كتير بيتم على أساسها تحديد سعر الاستشارة التسويقية أبرزها خبرة الاستشاري. عدد الاسواق اللي هو اشتغل فيها. حجم الشغل اللي عمله حجم حجم الشركة عدد الساعات نوع الاستشارة. وكل ما. وزى ما قلت لك كل ما الاستشاري بيكون عنده خبرة أكبر في أسواق اكتر. كل ما السعر بيزيد لانك ضامن بفضل الله انك هتاخد نتائج تحل المشكلة اللي عندك وتنقي لك في الحتة اللي انت نفسك توصلها. 

هل بيكون فيه ضمان لنتائج الاستشارات التسويقية؟

الخطة التسويقية بتزود فرص نجاحك بنسبة كبيرة جدا. لكن فكرة الضمان هي بتبقى متابعة علشان توصل لأفضل النتائج اللي انت المفروض توصل لها. وكمان بتقلل المخاطرة وتقلل التجربة العشوائية فأنت بتعمل شغل مدروس وبالتالي بيطلع لك افضل النتائج اللي انت المفروض توصل لها. 

شغل الاستشاري بيأثر على فريق التسويق ازاي

يعلمهم بدورهم بيفتح عينيهم على طرق واساليب جديدة مش بس استبدالهم بالعكس بيشتغل معاهم ويزود كفاءتهم وخبرتهم علشان يكونوا الأدوات التي تحقق لك النتائج اللي انت عايز توصل لها. 

قصص حقيقية من استشارات تسويقية.

 في شركات كتير كانت تقفل وبفضل ربنا سبحانه وتعالى ثم بفضل انهم عملوا استشارة تسويقية مع خبير تسويق. امورهم اتحسنت بشكل كبير جدا. وبدل ما كانوا بيفكروا ازاي يطلعوا من السوق بقوا بيفكروا ازاي يدخلوا أسواق جديدة ويتوسع.

ايه اكتر الاسئلة اللي الشركات بتسأل الاستشاري؟

من اكتر الاسئلة اللي بتيجي. الاستشاريين التسويق يبدأ منين والميزانية كام؟ هل الاعلانات هتفرق؟ هل نجيب فريق داخل الشركة ولا نشتغل مع وكالة تسويق من برة؟ ايه أسرع الطرق اننا نحقق بيها نتائج؟ وغيرها من الأسئلة. لكن دايما اللي بيروح الاستشاري تسويق زي ما قلت لك بيكون متلخبط. عشان كده اول سؤال او اكتر سؤال يتساءل. نبدأ منين وازاي؟

الفرق ما بين استشارة التسويق واستشارة المبيعات. 

خلينا نرجع خطوة لورا ونقول ايه الفرق بين التسويق والمبيعات. التسويق والمبيعات. التسويق والمبيعات عاملين زي فريق كرة القدم. واحد بيشوف الكورة وتلاقي واحد تاني واقف عند الجون بيقوم رايح. فتدخل التسويق هو اللي بيوصل الكورة لحد الراجل اللي واقف عند الجون. البياع هو اللي بياخد الكورة ويدخلها في الجون. فده الفرق ما بين التسويق والمبيعات. نرجع بقى للنقطة بتاعتنا وهي استشارة التسويق واستشارة المبيعات. استشارة التسويق بتركز على السوق والعملاء أما استشارة المبيعات بتركز على القفلة النهائية مع العميل. الخلاصة. التسويق بيجيب العميل والمبيعات بتقفل معاه البيع. 

هل لازم ابدأ باستشارة ولا اشتغل على طول؟

لو مشيت من غير خطة تضيع وقتك وفلوسك. الاستشارة بتخليك تبدأ صح بتوفر وقت وفلوس وممكن بعد كده تكمل التنفيذ بنفسك او مع فريق او مع شركة خارجية حتى. 

ايه اللي بيحصل اول لما تبدأ الاستشارة؟ 

أول خطوة في اي استشارة ناجحة. هو يقعد معاك يسمعك ويسمع الفريق بتاعك. بعد كده بقى ييجي إن هو يحلل الوضع الحالي. السوق والمنافسين. الجمهور يحط اهداف ويحط استراتيجيات يشوف ايه الادوات التي تستخدمها. يحط مقاييس ومعايير علشان تقيس النتائج دي.

مدة الاستشارة بتبقى قد ايه؟

 في استشارة ممكن تبقى جلسة واحدة. وفيه استشارة شهرية. وفيه استشارة ربع سنوية وفيه نصف سنوية وفيه سنوية. ده بيعتمد على حجم الشغل اللي مطلوب. وكمان ايه المشكلة اللي موجودة عندك والوقت اللي هتتحل فيه. 

اللي يخلي الاستشارة تنجح أو تفشل؟

 خلينا نكون متفقين ان الاستشارة التسويقية فيها عدة أطراف. مستشار تسويقي. صاحب الشركة. فريق العمل. التلاتة دول لو مش متعاونين مع بعض انسى ان أي نتائج تتحقق. وبالتالي اللي بيخلي الاستشارة التسويقية تنجح هو التزام جميع الأطراف مع الشفافية وتنفيذ فعلي للخطة. الفشل بييجي من تجاهل التوصيات أو التعامل مع الاستشارة إن هي ورق بس أو كلام ما يتنفذ. 

استشارة والوكالة. متى تختار كل واحدة منهم؟

 الاستشارة. لو عايز حد يفكر معاك يوجهك الوكالة لو عايز حد ينفذ لك. وبالتالي انت مينفعش تروح لوكالة تسويق تقول لهم سلام عليكم انا عملت شركة يلا سوا قولي لازم يكون فيه معاك استشاري تسويق يوجهك. انت هتعمل واحد اتنين تلاتة اربعة. وبالتالي لما تروح لوكالة التسويق يبقى معاك الخريطة اللي انت هتمشي عليهم وتقولهم انا عايز اعمل واحد اتنين تلاتة اربعة اعمله لي 

الأدوات التي يستخدمها استشاري التسويق.

 من اشهر واهم الادوات التي يستخدمها استشاري التسويق هي أداة. ودي أداة تحليل مشهورة ومعروفة في علم التسويق وعلم الإدارة. في عندنا كمان أدوات رقمية زي جوجل تريند زي جوجل زي سيرش وغيرها من أدوات التحليل اللي بنستخدمها. علشان نعرف الوضع الحالي عامل ازاي. نعرف السوق. نعرف المنافسين. نعرف المنتجات. نعرف التسعير. نعرف التوزيع. نعرف الترويج وهكذا. 

هل استشاري التسويق لازم يكون من نفس المجال بتاعك؟

 الإجابة قولا واحدا. مش شرط. المهم ان يكون فاهم تسويق عنده خبرة كويسة علشان يقدر يفيدك.

استشارات التسويق تكون اونلاين ولا حضور شخصي. 

الاتنين ينفعوا. الاونلاين اسهل واسرع و مناسب للمسافات. بس اوقات الاجتماع الشخصي بيفرق شوية في الفهم والتواصل. لكن ده ميمنعش ان الاونلاين مفيد ويحقق نتائج قوية جدا. 

الفرق بين استشاري التسويق الحر واستشارات التسويق الحر

بيشتغل لوحده والشركة عندها فريق خاص بيها. الحر مناسب للمشاريع الصغيرة والمتوسطة. أما شركات الاستشارات التسويقية تنفع للشركات الكبيرة اللي حجم العمل عندها كبير جدا ورأس المال بتاعها والمنتجات بتاعتها كبيرة وضخمة. 

ازاي تقيس نجاح الاستشارة التسويقية؟

 المعيار الأساسي لنجاح أي استشارة تسويقية هي تحقيق أو عدم تحقيق الاهداف اللي بتتحط في خطة التسويق. كل ما تكون تحقق أهدافك كل ما تكون الاستشارة التسويقية تؤتي ثمارها وتحقق لك نتائج مرضية. 

هل كل شركة لازم تعمل استشارة تسويقية؟

 لا مش شرط بس اي شركة عايزة تكبر وتحقق نتائج مرضية لازم تستعين بـ استشاري تسويق.

 ايه اكتر الاخطاء اللي بتحصل لما شركة تشتغل من غير استشارة تسويقية؟

 ببساطة شديدة جدا هيحصل تسويق عشوائي انت مش عارف المفروض تعمل ايه وبالتالي بتقوم من النوم الصبح. يلا نعمل اي حاجة وخلاص. المهم ما يبقاش قاعدين فاضيين. 

خطوات عملية بعد ما الاستشارة تخلص.

 اهم حاجة انك تنفذ الكلام اللي بيتقال في الاستشارة. واهم حاجة ان استشاري التسويق اللي معاك يتابع تنفيذ اللي انت بتعمله. 

رأي العملاء في تجربة الاستشارة التسويقية.

اللي جرب استشارة تسويقية محترفة مع خبير فعلا بيحس بفرق بيعرف قد ايه هو كان ماشي في طريق غلط. وقد ايه لما عمل الاستشارة التسويقية فرقت معاه وعرف الطريق الصح وبدأ يحقق النتائج. لو محتاج استشارة تسويقية ممكن تبعتلي على الرسايل وتتواصل معايا ونقدر نحدد ميعاد وندخل في استشارات تسويقية. ربنا يوفقك. السلام عليكم ورحمة الله وبركاته.